2019-2020 oqý jylynyń 4-toqsanynda qashyqtan jumys istegen muǵalimder arasynda koronavırýs juqtyrǵandar bolmaǵan. Biraq eńbek demalysy kezinde indetke shaldyqqandar bar. Bul týraly Qazaqstannyń bilim jáne ǵylym mınıstri Asqat Aımaǵambetov ortalyq komýnıkasıalar qyzmetinde ótken onlaın-brıfıngte aıtty. 

– Osy másele týraly Densaýlyq saqtaý mınıstrligimen resmı túrde sóılesken bolatynbyz. Bizge berilgen aqparat boıynsha, oqý jylynyń 4-toqsanynda vırýsqa eshqandaı muǵalim shaldyqpaǵan. Alaıda ókinishke qaraı, eńbek demalysynda júrip vırýsqa shaldyqqan áriptesterimiz bar. Muny qashyqtan oqýmen baılanystyrýǵa eshqandaı negiz joq. Qazir – demalys ýaqyty. Biz muǵalimderden eńbek demalysy ýaqytynda esep, aqparat suramadyq, máselelerdiń bolmaýyn qadaǵaladyq, – dedi mınıstr.