Almaty qalalyq polısıa departamenti áleýmettik jelilerdi baqylaý kezinde polısıa qyzmetkeri beınesinde úndeý aıtqan ánshi Talǵat Kenjebolatovty (Kental) ne úshin ustaǵanyn túsindirdi. Bul týraly Polisia.kz habarlady.

– Bárińe sálem, dostar! Kim kúızeliske dýshar bolsa, júregi aýyrsa, jumysta, otbasynda qıyndyqtar týyndaǵan bolsa... Bireýdi nesıe qınaýy múmkin. Ýaıymdamańyz. Báribir bárimiz ólemiz, – dep vıdeoúndeý joldady ánshi.

Quqyq qorǵaýshylar vıdeo avtory ánshi Talǵat Kenjebolatov (Kental) ekenin anyqtady. Quqyq qorǵaýshylardyń aıtýynsha, vıdeo halyq arasynda rezonans tdyrǵan. Sebebi áleýmettik jeli qoldanýshylarynyń kóbi ony shynymen de quqyq qorǵaýshy dep oılap qalypty. 

– Almaty polısıasy bul vıdeodaǵy polısıa formasyndaǵy er adam is júzinde ishki ister organdarynyń qyzmetkeri emes ekenin habarlaıdy. Kenjebolatovtyń is-áreketine qatysty júrgizilgen tekserý nátıjeleri boıynsha quqyqtyq baǵa beriledi. Qazaqstanda koronavırýs ınfeksıasynyń taralýyna jáne qaıǵyly oqıǵalarǵa baılanysty qalyptasqan jaǵdaı aıasynda ázil úshin bolsa da mundaı úndeýler jasaýǵa bolmaıdy, ásirese polısıa formasyn qoldanýy orynsyz, – deıdi polıseıler.

Ánshi Kental óziniń áleýmettik jelidegi paraqshasynda máseleniń mán-jaıyn túsindirdi. 

– Úıime eki polısıa qyzmetkeri men qarý asynǵan arnaıy jasaqtyń eki ókili keldi. Meni ustaý hattamasy bolǵan joq. Soǵan qaramastan, polısıa bólimshesine barý kerek dedi. Men qarsylyq bildirgen joqpyn. Biraq jol-jónekeı advokatyma habar berdim, – deıdi ol.

 

 

 

Posmotret etý pýblıkasıý v Instagram

 

 

Nachalnık ÝKP Inkarov E.I Zam.nachalnıka DP Abılbekov B.K @gakkutv @muzzone.tv @muzlifetvkz @ktktv @revuenews @europapluskz @loveradiokz @ntk_tv @almaty.tv @astana.tv @kazakh_inform @ztb_kz @100baksoff @zhuldyz.fm @zhest_kz @kaznews

Pýblıkasıa ot KENTAL (@kentalkz) 13 Iýl 2020 v 4:32 PDT