Búgin, 14 shilde kúni qaıtys bolǵan Qazaqstan qorǵanys vıse-mınıstri general-maıor Baqyt Qurmanbaevtyń ólimine koronavırýs sebep bolǵan. Bul týraly vedomstvonyń baspasóz qyzmeti habarlady. 

Baqyt Qurmanbaev qorǵanys mınıstriniń orynbasary qyzmetine 2019 jyldyń sáýirinde taǵaıyndalǵan.

Ol 1970 jyly 21 qyrkúıekte Óskemen qalasynda dúnıege kelgen.

2005 jyly Reseı qurlyq áskerleriniń áýe shabýylyna qarsy qorǵanys áskerı akademıasynda bilim aldy. 2008 jyly Reseı Federasıasy QK Bas shtabynyń Áskerı akademıasynyń joǵary akademıalyq kýrstarynan ótti.

Ár jyldary fızıka pániniń muǵalimi, qorǵanys mınıstrliginiń shtab bastyqtary komıteti departamentiniń basqarma bastyǵy bolyp jumys istedi.

İİ dárejeli "Aıbyn" ordenimen marapattalǵan. General-maıor sheni bolǵan.

Marqumnyń artynda áıeli, eki balasy qaldy.

Baqyt Qurmanbaev – Qazaqstanda koronavırýstan qaıtys bolǵan alǵashqy sheneýnik. Al elde koronavırýs sıaqty órship turǵan pnevmonıa aýrýynan birneshe sheneýnik  kóz jumǵan. Olardyń arasynda Almaty oblysy ákiminiń orynbasary Serikjan Beskempirov, Aqtaý qalasy ákiminiń orynbasary Gúljazıra Aldasheva bar.