Nur-Sultan qalasynda er adam óziniń burynǵy áıelin segiz jerden pyshaqtaǵan. Bul týraly "NeMolchı" qorynyń ókilderi áleýmettik jelide jazdy. Aýrýhanada túsirilgen úreıli sýretter jelide tarap jatyr.

Qordyń negizin qalaýshy Dına Smaılovanyń aıtýynsha er adam áıeliniń jumysyna kelip, syrtqa shyǵýyn talap etken.

"Áriptesteriniń aldynda ózin yńǵaısyz sezingen áıel syrtqa shyqqan. Sol sátte burynǵy kúıeýi ony kóligine ıterip otyrǵyzyp, alyp ketken. Jolda, dálirek aıtqanda Qaraǵandy tas jolynda ol áıelge pyshaq tyǵa bastaǵan, qarsylyq kórsetken ol kóliktiń terezesin syndyrmaq boldy. Segiz ret pyshaqpen jaraqattaǵan soń kólikti toqtatqan. Basqa kólikterdiń jandaryna kelip jatqanyn kórip erkek áıeldi joldyń boıyna tastap ózi jasyrynyp qalǵan. Jolaýshylar oqıǵa ornyna jedel-járdem jáne polsıa qyzmetkerlerin shaqyrǵan",- dep jazdy Dına Smaılova óz Facebook paraqshasynda. 

Áıeldiń aýrýhanada túsirilgen sýretterin Dına Smaılova óz paraqshasyna júktegen.