Tikeleı efır barysynda Shyǵys Qazaqstan oblysynyń ákimi Danıal Ahmetov karantındik sharalar kúsheıtilgennen keıin Semeıdegi jaǵdaı jaqsarǵanyn atap ótti.
Maýsym aıynyń basynda Shyǵys Qazaqstanda tirkelgen koronavırýs aýrýynyń 68% Semeıde bolǵan edi. 19 maýsymda karantındik sharalardy kúsheıtý týraly sheshim qabyldandy. Nátıjesinde, sońǵy 10 kúnniń ishinde atalmysh jaǵdaı azaıdy. Semeıde 28 maýsym kúni COVID-19 vırýsyn juqtyrǵan 22, Óskemende 23 jaǵdaı tirkeldi. Semeıde 29 maýsym kúni 11, Óskemende 21 adamnan vırýs anyqtaldy. Sońǵy aptada Semeıdegi aýrý kórsetkishi 1,5 esege azaıdy. Oblys ortalyǵynda osyndaı kórsetkish shilde aıynyń orta sheninde kútilýde.
– Qoldanylǵan sharalar nátıjesin berýde. Sondyqtan Óskemende 24 maýsym kúni Óskemende shekteý sharalary bekitildi. Bul óz kezeginde aýrý kórsetkishiniń tómendeýine septigin tıgizedi, – Danıal Ahmetov.
Óńirde sáýir men mamyr aılarynda engizilgen shekteý sharalarynyń nátıjesinde koronavırýs kóp taralmady. Ruqsatnamalyq júıe qaladaǵy qozǵalysty 50% paıyzǵa azaıtty.
– Eger tez ári naqty kórsetkishke qol jetkizgimiz kelse, osy sharalardy saqtaýymyz kerek. Semeıdegi sharalar nátıjesin berdi. Biz "tynysh kúnder" arqyly senbi, jeksenbi kúnderi qozǵalysty shekteýimiz kerek. Bul oń kórsetkish beredi, – dedi Danıal Ahmetov.
