Qazaqstan densaýlyq saqtaý vıse-mınıstri Lúdmıla Búrabekova elde pnevmonıaǵa shaldyqqandar ne sebepti koronavırýs statısıkasyna enbegenin túsindirdi. Ol bul týraly Ortalyq komýnıkasıalar qyzmetiniń brıfıńinde aıtty.
– Biz qazir halyqaralyq uıymdarmen, Dúnıejúzilik densaýlyq saqtaý uıymymen kelissóz júrgizip jatyrmyz. Búgingi kúni DDSU usynymyna sáıkes, statısıkaǵa PTR-diń oń nátıjesi bar jaǵdaılar ǵana kirip otyr, – dep jaýap berdi vıse-mınıstr BAQ ókilderi qoıǵan saýalǵa.
Sondaı-aq eldiń densaýlyq saqtaý mınıstrligi osy másele týraly dúnıejúzilik densaýlyq saqtaý uıymyna suranys jibergen.
Vıse-mınıstr kelissózder arqyly esepke alynýǵa tıis málimetterge qatysty ortaq sheshimge keletinin habarlady. Ol ár eldiń statısıkasy men esepke alýǵa baılanysty óz joly baryn, Qazaqstan da barlyq elmen qatar júrgisi keletinin aıtty.
Pikir qaldyrý