Pandemıa kezinde shetelde qalǵan qazaqstandyqtardy, gýmanıtarlyq kómek kórsetti jetkizýmen aınalysqan ushqysh Bolat Serikbaev qaıtys boldy. Bul týraly zhaloby_astana saıty habarlady.

Bolat Musauly "SCAT" áýe kompanıasynda jumys istegen.

"SCAT áýe kompanıasy úshin qaraly qaza. Serikbaev Bolat Musauly qaýipti indetpen kúreste qaıtys boldy. Ol óz salasynyń naǵyz kásipqoıy. Boeing-757 jáne Boeing-767 áýe kemeleriniń 38 jyldan astam jumys tájirıbesi bar komandıri boldy. Gýmanıtarlyq júkterdi jetkizý jáne otandastarymyzdy otanyna qaıtarý boıynsha reısterdi oryndaýǵa belsene qatysqan. Ol qıyn-qystaý sátte barlyǵyna kómek kórsetti. Bolat Musauly qyzmetine jaýapty, úlken qurmetke ıe maman boldy. Biz jaqyndarymyzben birge qaıǵyryp, kóńil aıtamyz" delingen áýe kompanıasy taratqan habarlamada.

Buǵan deıin qaýipti indetten Qazaqstan qorǵanys mınıstriniń burynǵy orynbasary – Ámirbek Tógisov, Qazaqstannyń prezıdenttigine úmitker bolǵan – Jaqsybaı Bazylbaev, Aqtóbe qalasynda ınfeksıalyq aýrýhananyń bas dárigeri – Qalıhan Qozbaǵarov, Almaty oblysy ákiminiń orynbasary – Serikjan Beskempirov, sonymen qatar Almaty oblysynyń Bas memlekettik sanıtar dárigeri – Qaırat Baımuhambet qaıtys bolǵan.