Qazaqstandyqtar óz qajettiligi úshin shekaralas elderden dári-dármekti esh kedergisiz alyp kele alady. Bul týraly QR densaýlyq saqtaý vıse-mınıstri Lúdmıla Búrabekova onlaın brıfıńte aıtty.
Vıse-mınıstrdiń aıtýynsha, Reseı Federasıasymen shekaralas jatqan aýmaqta turatyn qazaqstandyqtar bul elden ózi jáne jaqyn týǵan-týystary úshin tıisti qujattary bolǵan kezde dári-dármekti alyp kele alady.
– Búgingi kúni zańnamada ózine qajetti dárilik zattardy tasymaldaýǵa shekteý joq. Bul QR Halyq densaýlyǵy men densaýlyq saqtaý júıesi týraly kodekste jazylǵan. Tıisti qujattarǵa saı bolsa, óz qajeti úshin dári-dármek ákelýge tyıym salynbaǵan, – dedi Lúdmıla Búrabekova.
Pikir qaldyrý