Densaýlyq saqtaý mınıstrliginiń resmı ókili Dıas Ahmetshárip qyzmetinen ketetinin aıtty. Bul týraly ol Facebook paraqshasynda habarlady. 

– Búgin meniń densaýlyq saqtaý mınıstrligindegi sońǵy jumys kúnim. Basshylyq aryz jaz dedi. Jazdyq. Er adamnyń basynan ne kelip, ne ótpeıdi. Hosh.

Eń aldymen barlyq jýrnalıs áriptesterime alǵysymdy bildiremin. Talaı eńbek atqardyńyzdar! Artyq ketken kezderim bolsa - keshirim suraımyn!!!! Barlyq eńbegim - tek halqym úshin. Aýyrmańyzdar! Koronavırýsty jeńip shyǵaıyq. Densaýlyq Saqtaý mınıstrligindegi áriptesterime, barlyq dárigerlerge, medpersonalǵa tek qana shydamdylyq pen jeńis tileımin! Elimiz tynysh, halqymyz aman bolsyn!, – dedi Ahmetshárip.

Alaıda uzamaı Ahmetshárip jelidegi jazbasyn óshirip tastady.