Úndistan koronavırýs jaǵdaılarynyń órshýine baılanysty, 375 mıllıon adamdy qaıta karantıge aldy. Bul týraly Qamshy tilshisi BBC-ge silteme jasap habarlaıdy.

Jergilikti densaýlyq saqtaý qyzmetkerleriniń aqparatynsha, búginde COVID-19 juqtyrǵandar 906 752-den 936181-ge deıin kóbeıip, mıllıon adamǵa jaqyndaǵan.

Qazir AQSH pen Brazılıada koronavırýspen aýyrǵandar sany mıllıonnan asqan.

Úndistanda indetten kóz jumǵandar sany 23 727-den 24 309-ǵa deıin kóbeıgen. Qaıǵyly oqıǵalardyń jartysyna jýyǵy Mýmbaı qalasy ornalasqan Maharashtra shtatynda bolǵan.

Bas mınıstrdiń orynbasary Sýshıl Kýmar Modı: "Barlyq qalalyq mýnısıpalıtetter, aýdandyq shtab, blok shtab lokdaýnda bolady. Koronavırýsqa qarsy dári-dármek nemese vaksına joq. Biz betimizdi maskamen, qol oramalmen nemese súlgimen jaýyp júrýimiz kerek" dep málimdegen.

Tek qajet zattardy satatyn dúkenderdi ashýǵa bolatyny aıtylǵan jáne tótenshe jaǵdaı týyndamasa, kólik tasymaldaryna tyıym salynǵan.

Memlekettik mekemeler men ǵıbadat oryndary qaıtadan jabylyp, bılik adamdarǵa qajet bolmasa úıde bolýdy buıyrǵan.