Májilis depýtaty Irına Smırnova medısınalyq saqtandyrý qorynyń basshylyǵy jekemenshik aýrýhanalardyń tegin jumys isteýine ruqsat bermeı jatqanyna narazylyq bildirdi. Bul týraly ol óz Facebook paraqshasynda jazdy.
"Dostar sizder tegin rejımde jumys isteýge daıyn turǵan jekemenshik aýrýhanalardyń bar ekenin bilesizder me? Medısınalyq qyzmetkerlerimen, barlyq qajetti quraldarymen, arnaıy jeldetkishterimen, jansaqtaý jáne hırýrgıalyq bólmelerimen, epıdomıologıalyq talaptardyń barlyǵy saqtalǵan, lısenzıasy bar tolyq jabdyqtalǵan osyndaı aýrýhana jergilikti medısınalyq saqtandyrý qorynyń qoldaýyna ıe bola almaǵan.
Ruqsat bermeı jatyr boldy.
Qala ákimi de jumys jasaı bersin deıdi. SES jáne mınıstr qoldaý kórsetip otyr. Tek medısınalyq saqtandyrý qory kelisimshartqa qol qoıǵysy kelmeıdi. Al bul ýaqytta adamdar qyrylyp jatyr.
Baqytjan Saǵyntaev Almaty medısınalyq saqtandyrý qorynyń basshysy laýazymyn tolyqtaı tekserýińizdi suraımyn. Dál osy ýaqytta daıyn turǵan klınıkany jabyq ustaý qylmys!" delingen jazbada.
"Buıryq ákimdikpen kelisildi jáne qazirgi ýaqytta ádilet mınıstrliginiń jaýabyn kútip otyr. Qor koronovırýspen kúres úshin kez kelgen aýrýhanalarmen kelisimshartqa otyrýǵa daıyn, jekemenshik bolsa da. Eń bastysy jergilikti densaýlyq saqtaý basqarmasy kelisim berse boldy" dep málimdedi medısınalyq saqtandyrý qorynyń basqarýshy dırektory Dosym Enkebaev.
Pikir qaldyrý