42500 teńgeni ótken joly alǵan azamattar qaıta ótinish bermeıdi. Bul týraly eńbek jáne halyqty áleýmettik qorǵaý mınıstri Birjan Nurymbetov onlaın brıfıńte habarlady.

42500 teńgeni ótken joly alǵan azamattarǵa sms-habarlama jiberiledi. Olar qaıtadan ótinish bermeı-aq, enbek.kz jáne E-gov portalynan ótinim mártebesin baqylap otyrýy kerek.

– Birden birneshe elektrondyq platformalarda ótinim bermegen jón. Bul portaldyń jumysyn qıyndatady. Ótken joly ótinish 18 mln ret berilgendikten, ekinshi ret ótinish júrgizilmeıdi. JSN boıynsha bir ret aryz berińiz. Biraq bárin muqıat tekserińiz. 12 sandyq kartanyń nómirin emes, 16 sandyq shottyń durys málimetterin kórsetý kerek. Ótinimińizdiń qabyldanǵanyn kútińiz. Sodan soń portaldaǵy mártebeńizdi baqylaı alasyz, – dedi ol. 

Sondaı-aq mınıstr 42500 teńge járdemaqyny alýǵa ótinishter 1 qyrkúıekke deıin qabyldanatynyn jetkizdi.