Jumystan shyǵyp ketken adamdarǵa 42 500 teńge tólene me? Bul suraqqa QR eńbek jáne halyqty áleýmettik qorǵaý mınıstri Birjan Nurymbetov onlaın brıfıńte jaýap berdi.
Mınıstr jumystan shyǵyp ketkender ne isteý kerek ekenin túsindirdi.
– Jumystan shyǵyp ketken adamdarǵa jumyspen qamtý ortalyǵyna habarlasý kerek. Bul ortalyq azamattarǵa ashyq vakansıalardy nemese basqa jumyspen qamtý sharalaryn usynady. Eger de esh jumys laıyq bolmasa, jumyssyz qalǵan adam 3 kúnde jumyssyz retinde tirkeledi jáne avtomatty túrde memlekettik saqtandyrý qorynan jumyssyzdyqqa baılanysty tólem alady, – dedi Birjan Nurymbetov.
Sondaı-aq ol mundaı tólemdi 6 aı boıy alýǵa bolatynyn atap ótti.
Pikir qaldyrý