Áleýmettik medısınalyq saqtandyrý qorynyń burynǵy basshysy qor qarajatyn urlady degen kúdikke ilindi. Bul týraly Sybaılas jemqorlyqqa qarsy is-qımyl agenttigi 1-shi departamentiniń aǵa tergeýshisi Qaısar Barjaqsynov málimdedi.
– Sybaılas jemqorlyqqa qarsy qyzmet satyp alynatyn qyzmetterdiń qunyn kóterý arqyly "Áleýmettik medısınalyq saqtandyrý qory KEAQ-nyń qarajatyn jymqyrý faktisi boıynsha sotqa deıingi tergeýdi bastady. QR Qylmystyq is júrgizý kodeksiniń 201-babyna sáıkes ózge aqparat tergeý múddesi úshin jarıalanbaıdy, – dedi ol.
Buǵan deıin prezıdent Qasym-Jomart Toqaevtyń tóraǵalyǵymen ótken úkimettiń keńeıtilgen otyrysynda "Áleýmettik medısınalyq saqtandyrý qory" KEAQ Basqarma tóraǵasy A.N. Jumaǵulov qyzmetinen bosatylǵan bolatyn.
Pikir qaldyrý