Áleýmettik jelide pnevmonıadan tunshyǵyp, qınalyp jatqan naýqastyń vıdeosy jarıalandy. 

Beınekadrda qyrǵyzstandyq volonter Sofıa-Aıdana jáne taǵy bes jigit pnevmonıadan tunshyǵa bastaǵan adamǵa kómektesip jatyr.

– Men pasıentti Aq-Orgo qalasynan Bishkekke alyp keldim. Oǵan jol boıy dem jetpeı, ózi aýrýhanaǵa deıin shydamaı óletinin aıtty. Biz ony aýrýhanaǵa alyp kelgende bos orynnyń joǵyn aıtyp qabyldamady. Tipti aýyr halde kelgen pasıentke ottegimen de dem alýǵa múmkindik bermedi, – dedi volonter.

Volonter kózine jas alyp marqumnyń sońǵy ótinishin jetkizdi. OL "qyzyma ony jaqsy kóretinimdi aıtshy" degen.

Sońǵy derekterge súıensek, Qyrǵyzstanda 23 783 adam koronavırýs ınfeksıasyn juqtyrǵan. Onyń ishinde 6096 adam indetten jazylyp shyqsa, 785 adam qaıtys bolǵan.