Eýropada koronavırýstyń ekinshi tolqynynyń alǵashqy belgileri paıda boldy. Barselona karantın jarıalady. Belgıada Covid-19-dyń jańa jaǵdaılary 32 paıyzǵa artqan. Shvesıada qaıta medısınalyq tekserý bastaldy. Ulybrıtanıada koronavırýs shekteýlerin jappaı buzǵan áleýmettik retsizdik paıda boldy. Bul týraly Qamshy tilshisi shetel aqparattaryna qysqasha sholý jasap habarlaıdy.

"Ótken aptamen salystyrǵanda, Belgıada koronavırýstyń aptalyq jańa jaǵdaılary 32 paıyzǵa artty. Covid-19 ınfeksıalarynyń ekinshi tolqyny bastalýy múmkin" dep habarlaıdy Daily Mail.

Al The Sun gazeti Barselonanyń karantınge májbúr bolǵanyn málimdegen. Ispanıadaǵy pandemıanyń ekinshi tolqyny saldarynan 1,6 mıllıon adamǵa "úıde bolý" eskertilgen.

Daily Express basylymynyń aqparatynsha, Shvesıa da uqsas jaǵdaılarǵa baılanysty medısınalyq tekserýler bastalǵan.

Ulybrıtanıada shekteý sharalary jeńildetilgennen keıin adamdar barlar men meıramhanalarǵa jınalǵan. Tórt aılyq shekteý alynǵannan keıin birinshi kúnnen bastap turǵyndar betperde kımeı, áleýmettik qashyqtyqty saqtamaı, kóp bolyp jınalyp, birin-biri quttyqtap, bas qosýlar uıymdastyrǵan. Bul jaǵdaıǵa baılanysty Ulybrıtanıa úkimeti barlardyń qaıta ashylýyn synǵa alǵan.