Barselona karantınge kóshýge májbúr boldy. Ispanıadaǵy pandemıanyń ekinshi tolqyny saldarynan 1,6 mıllıon adamǵa "úıde bolý" eskertildi. Bul týraly Qamshy tilshisi The Sun gazetine silteme jasap habarlaıdy.

Bılik Ispanıanyń ekinshi úlken qalasy, 1,6 mıllıon halqy bar Barselona turǵyndaryn jumada úıden shyqpaýǵa jáne 10-nan asa adam bolyp toptaspaýǵa shaqyrdy. Katalonıanyń densaýlyq saqtaý bóliminiń bastyǵy Alba Verges baspasóz máslıhatynda "Biz adamdarǵa múldem qajet bolmasa, syrtqa shyqpaýǵa keńes beremiz" dep jarıalaǵan. 

Sonymen birge Ispanıanyń týrısik núkteleriniń biri sanalatyn Barselona turǵyndaryna kerekti zattardy ınternet-dúkenderden satyp alýǵa nusqaý berilgen.

Buǵan deıin álem boıynsha birinshi bolyp Qazaqstan qaıta karantın jarıalaǵan bolatyn. Odan keıin ile-shala Avstralıa lokdaýn sharalaryn engizdi. Kóp ótpeı Úndistan da karantın jarıalaýǵa májbúr boldy.