Búgin, 18 shilde kúni jazýshy, qoǵam qaıratkeri, Qazaqstan parlamentiniń eks-depýtaty Myrzageldi Kemel 71 jasynda kóz jumdy. Onyń qaıtys bolǵanyn mádenıet jáne sport mınıstrliginiń baspasóz qyzmeti rastady. Jazýshynyń neden qaıtys bolǵany áli belgisiz. 

Myrzageldi Kemel 1949 jyly 15 qańtarda Ońtústik Qazaqstan oblysy, Maqtaral aýdanynda týǵan. 1971 jyly Tashkent ırrıgasıa jáne aýyl sharýashylyǵyn mehanıkalandyrý ınjenerleri ınstıtýtynyń aýyl sharýashylyǵyn elektrlendirý mamandyǵyn, 2000 jyly M.H.Dýlatı atyndaǵy Jambyl ýnıversıtetiniń quqyqtaný fakúltetiniń zańger mamandyǵyn tamamdaǵan.

Ol eńbek jolyn 1971 jyly Maqtaral aýdanyndaǵy "Oktábrdiń 30 jyldyǵy" sovhozynda aǵa ınjener bolyp bastaǵan. Myrzageldi Kemel 1994–1995 jyldary Qazaqstan Joǵarǵy keńesiniń depýtaty, 1995 jyly Qazaqstan mınıstrler kabıneti janyndaǵy shetel ınvestısıasy jónindegi komıtetiniń sektor meńgerýshisi bolyp qyzmet atqarǵan. 1995–2004 jyldary birinshi jáne ekinshi shaqyrylǵan Qazaqstan parlamentiniń depýtaty boldy. 

Ol rýhanıat salasynda 10 kitap shyǵarǵan. Qazaqstan prezıdenti janyndaǵy memlekettik basqarý akademıasynyń profesory, 14 monografıanyń, 100-ge jýyq ǵylymı maqalalardyń avtory. 

Qazaqstanda sońǵy aıda birneshe qalamger qaıtys bolǵan. Olardyń arasynda  aqyn Jarylqasyn Boranbaev, aqyn, jazýshy, aýdarmashy Amanjol Qanafın, aqyn, jazýshy Jeńis Aronov, aqyn Áskerbek Rahymbekuly, jazýshy, jýrnalıs Aıjaryq Sádibekuly, jazýshy Qajyǵalı Muhanbetqalıuly