Jerserikten túsirilgen sýretterde Beıjińniń Ońtústik Qytaı teńizindegi daýly araldarǵa tórt joıǵysh ushaǵyn jibergeni kóringen. Bul áskerı operasıa Vashıngton pen Beıjińniń aımaqtaǵy qaıshylyǵy kúsheıe túsken kezde bolyp otyr, dep habarlaıdy Qamshy tilshisi France24News basylymyna silteme jasap.

Jerseriktik sýretterde Qytaıdyń daýly Výdı aralynda áskerı-teńiz flotyn qurǵany kóringen. Bul aral Vetnam, Qytaı jáne Taıvan arasynda,y daýly aımaq. Al araldaǵy áskerı bazaǵa Qytaıdyń tórt joıǵysh ushaǵynyń jiberilgeni baıqalǵan. "Ondaǵy ákerı ushaqtar áıgili "Flanker" ushaqtarynyń qytaılyq nusqasy" deıdi France24news.

Jerseriktik kompanıa sýretterdi 15 shildede jarıalaǵan. 

Buǵan deıin Ońtústik Qytaı teńizinde AQSH pen Qytaı áskerı kúshteri bir ýaqytta jattyǵý ótkizip jatqany habarlanǵan. Qytaı shildeniń basynda Parakel araldary mańyna soǵys kemelerin jibergen. Keıinirek, Vashıngton da Parakel araldary mańyna áskerı ushaqtar tasymaldaýshylaryn jiberdi. AQSH oǵan qosa, ıadrolyq bomlalaýshysyn da jóneltken. Aımaqta AQSH jáne japon kemeleri birge áreket etýde.

Al qytaılyq Global Taıms basylymy Beıjińniń "kıller zymyrandary" AQSH soǵys ushaqtaryn tasymaldaýshylarǵa soqqy beretinin eskertken. 

Keıinirek, Ońtústik Qytaı teńizindegi AQSH-Japonıa birikken áskerı kúshterine qoldaý kórsetý úshin Ulybrıtanıanyń soǵys ushaqtaryn tasmaldaýshy kemeleri men joıǵyshtarynyń jiberiletini habarlanǵan.

Áskerı sarapshylar eki eldiń kóptegen joıǵyshtary men kemeleriniń óte jaqyn qashyqtyqta jattyǵý ótkizýi áskerı qaqtyǵys qaýpin kúsheıtetinin málimdegen. 

AQSH Áskerı-teńiz kúshteri "USS Nimitz" jáne "USS Ronald Reygan" soǵys ushaqtaryn tasymaldaýshy kemeleri 4 jáne 6 shilde aralyǵynda daýly sý jolynda operasıalar jasap jáne áskerı jattyǵýlar ótkizip, 17 shilde aımaqqa oralǵanyn habarlady.