Aqmola oblysynyń polısıa departamenti 46 mln teńgege bes jeńil kólik satyp alý alýdy josparlap otyr. 

Kaztag agenttiginiń jazýynsha, departament ár kólikti 9 mln 205 myń teńgeden almaq. Kólikterdiń jalpy baǵasy 46 mln 25 myńǵa baǵalanǵan.

Memlekettik satyp alý saıtyna jarıalanǵan lotqa ótinim 20 shilde saǵat tańǵy 9 ben 22 shilde 18:00 aralyǵynda qabyldanady.

Tehnıkalyq sıpattamaǵa saı, kólik sedan, koropkasy avtomat, 100 km/saǵ jyldamdyqty 12 sekýndta baǵyndyryp, maksımaldyq jyldamdyǵy 195 km/saǵ bolýǵa tıis.

Sondaı-aq syrtqy aınasy elektrlik, ári jylytqyshy bolýy kerek. Aldyńǵy oryndyqtary jylytylatyn, 205/55 R16 úlgilik dóńgelegi, qosaldy dóńgelegi, qosaldy stop belgisi bar, aldyńǵy fary proeksıalyq, róli bylǵarymen qamtalýy mindetti.

Buǵan deıin Qazaqstannyń qarjy mınıstrligi barlyq memlekettik organdar men kvazımemlekettik sektorǵa avtomobıl, arnaıy kólikter men qyzmettik kólikter, sondaı-aq keńse jıhazdaryn satyp alýǵa 3 jylǵa moratorıı engizilgenin habarlaǵan.

Moratorııdiń kúshine engen/enbegeni ázirge belgisiz.