Qyzylorda oblystyq polısıa departamenti turǵyn-úı kesheni aldynda polısıa qyzmetkerlerimen bolǵan janjalǵa qatysty túsinik berdi. Departamenttegilerdiń sózinshe, jasóspirimderdiń arasynda bastalǵan tóbeles polısıa qyzmetkerlerimen janjalǵa ulasqan. Oǵan eresekter aralasqan.

Polısıa departamenti baspasóz qyzmetiniń málimetinshe, 18 shilde kúni tańerteń Qyzylorda polısıa bólimshesiniń kezekshi bólimine kópqabatty úıdiń aýlasyndaǵy tóbeles týraly habarlama túsken.

"Oqıǵa ornyna kelgen polısıa ekıpajy kámelet jasqa tolmaǵan balalardyń tóbelesip jatqanyn anyqtady. Polısıa qyzmetkerleri olardy ajyrata bastady. Dál osy ýaqytta oqıǵanyń anyq-qanyǵyn bilmesten eresekter kelip zańǵa baǵynbaı, qyzmetkerlerge kedergi jasady" delingen PD málimdemesinde. 

Anyqtalǵandaı jasóspirimder aǵaıyndy bolyp shyqty. Bireýiniń jasy 13-te, ekinshisi 17-de.

Atalǵan derek boıynsha ákimshilik quqyqbuzýshylyq týraly kodekstiń 434-baby 2-tarmaǵy (usaq buzaqylyq) negizinde ákimshilik hattama toltyrylǵan.

Kámelet jasqa tolmaǵan jasóspirimderdiń ákesine qatysty qylmystyq kodekstiń 380-baby 1-tarmaǵy (Bılik ókiline qatysty kúsh qoldaný) boıynsha tergeý jumystary bastaldy.

Buǵan deıin jelide Qyzylordada polısıa qyzmetkerleriniń úı aýlasynda áldekimderdi súırep, kólikke kúshtep otyrǵyzbaq bolǵan vıdeosy taraǵan. Vıdeodan oqıǵaǵa úlkender aralasyp, janǵalǵa ulasqanyn kórýge bolady.

 ♦ Oqı otyryńyz: "Gúlshara Ábdihalyqova mynaǵan ne deısiń? Polısıa halyqty malsha súırep jatyr" (vıdeo)