Joba mádenıet jáne sport mınıstrligi, Almaty qalasynyń mádenıet jáne sport basqarmasy men sportshynyń anasy Oksana Tenmen birlesip júzege asyrylyp jatyr.

Global Figure Skating akademıasy – kezinde Denıs Tenniń mánerlep syrǵanaý sportynyń deńgeıin zertteı kele, jeke tájirıbesine súıene otyryp, daıyndalǵan joba bolatyn. Akademıa Almaty qalasyndaǵy muz saraıynyń biriniń janynan ashylady.

Denıs Ten atyndaǵy Global Figure Skating mánerlep syrǵanaý akademıasy Qazaqstanda mánerlep syrǵanaý sportyn damytýǵa baǵyttalǵan biryńǵaı ortalyq bolady. Akademıa balalar arasynda atalǵan sport túrin buqaralyq deńgeıge jetkizýge baǵyttalady. Qazir Oksana Ten Global Figure Skating akademıasynda balalardy baýlý úshin Denısti jattyqtyrǵan Tatána Tarasova, Frenk Keroll syndy dańqty bapkerlermen kelissóz júrgizip jatyr.

Aldaǵy ýaqytta osyndaı akademıany Nur-Sultan qalasynan ashý josparda bar.