QR Mádenıet qaıratkeri, dástúrli ánshi, Qazaqstannyń eńbek sińirgen ártisi Ramazan Stamǵazıevtiń inisi Erlan Stamǵazıev ómirden ótti. Bul týraly Temirbek Júrgenov atyndaǵy Qazaq ulttyq óner akademıasy habarlady.

"T.Q. Júrgenov atyndaǵy Qazaq ulttyq óner akademıasynyń rektory jáne ujymy ustaz, Qazaqstannyń eńbek sińirgen ártisi, "Qurmet" ordeniniń ıegeri Ramazan Stamǵazıevtiń inisi, ánshi, QR Mádenıet qaıratkeri Erlan Ómiráliuly Stamǵazıevtiń dúnıeden ozýyna baılanysty qazaǵa ortaqtasyp, otbasy, týǵan-týystaryna kóńil aıtady. Marqumnyń jatqan jeri jaıly, ımany salamat bolsyn! Amal kitaby oń jaǵynan ashylsyn, Alla aldynan jarylqasyn!" delingen akademıanyń facebook paraqshasynda jarıalanǵan habarlamada.

Marqumnyń deden qaıtys bolǵany ázirge aıtylmady.

Erlan Stamǵazıev 1970 jyly Almaty oblysy Kegen aýdany Kóppıaz aýylynda týǵan.

1989 jyly Almatydaǵy P.I.Chaıkovskıı atyndaǵy mýzyka kolejin, 1995 jyly Qurmanǵazy atyndaǵy Qazaq ulttyq konservatorıasyn bitirgen.

1998 jyldan Súıinbaı atyndaǵy Almaty oblystyq fılarmonıasynda ánshi bolyp qyzmet etken.

Qamshy ujymy marqumnyń aǵasy Ramazan Stamǵazıev pen barsha týǵan-týystaryna qaıǵylaryna ortaqtasyp, kóńil aıtady.