Birikken Arab Ámirlikteri arab álemi úshin alǵashqylardyń biri bolyp Marsqa arnalǵan ǵarysh kemesin sátti ushyrdy. Bul týraly Qamshy tilshisi BBC-ge silteme jasap habarlaıdy.
Ǵarysh kemesi búgin tańerteń Japonıada jergilikti ýaqyt 6:58-de sátti ushyrylǵan.
Joba boıynsha jumys istegen ǵylymı topty 80% áıelder qurady, ony BAÁ-niń damyǵan tehnologıalar mınıstri Sara Al Amırı basqarǵan.
"Úmit" dep atalatyn ǵarysh kemesi Japonıanyń Tanegashıma ǵarysh aılaǵynan "H2-A" zymyrany arqyly kókke kóterilgen. Ol Marstyń aýa-raıy men klımatyn zertteý úshin 500 mıllıon shaqyrymdyq saparǵa shyqty.
Ótken aptada ushyrylym eki ret qolaısyz aýa-raıyna baılanysty toqtatylǵan.
Pikir qaldyrý