Shyǵys Qazaqstan oblysynda jergilikti emhana qyzmetkerlerinen 331 mobıldi top qurylǵan. Atalmysh top qyzmetkerleri karantın ýaqytynda turǵyndarǵa medısınalyq kómek kórsetpek.
Bul jaıly Aımaqtyq komýnıkasıalar qyzmetinde ótken baspasóz máslıhaty barysynda SHQO Densaýlyq saqtaý basqarmasynyń basshysy İlıas Muhamedjanov málimdedi.
– Semeı qalasynda 71, Óskemende 41 jáne 17 aýdan men qalalarda 219 top jumys jasap tur. Olar tek azamattarǵa shaqyrtý boıynsha úılerine baryp, medısınalyq kómek kórsetip qana qoımaı, dári-dármek te jetkizip bere alady, – dedi basqarma basshysy.
Sonymen qatar, atalmysh jobany qoldaý maqsatynda aýdan men qala ákimdikteri ózderiniń qyzmettik kólikterin mobıldi toptarǵa tabystaǵan.
SHQO
Densaýlyq saqtaý basqarmasynyń
baspasóz qyzmet
Pikir qaldyrý