"Tramp Qytaıdyń Shyńjań provınsıasyndaǵy uıǵyr, qazaq jáne qyrǵyz musylmandaryna qarsy adam quqyǵyn buzýǵa qatysy bar delingen 11 qytaılyq kompanıaǵa saýda sanksıalaryn shyǵardy" dep habarlady The Independent basylymy. Amerıka Qurama Shtattary buǵan deıin Shyńjańǵa qatysty quqyq buzýshylyqtar úshin 37 qytaılyq kompanıany qara tizimge engizgen bolatyn.

Jarıalanǵan aqparat boıynsha, Qytaıdyń soltústik-batysyndaǵy Shyńjań provınsıasynda shamamen mıllıonnan astam uıǵyr, qazaq jáne qyrǵyz azshylyqtary qamaýǵa alynǵan.

Sanksıa qytaılyq qompanıalardyń AQSH taýarlary men tehnologıalaryn satyp alýyna tyıym salady.

AQSH-tyń saýda hatshysy Ýılbýr Ross "Qytaı Komýnıstik partıasynyń qorǵansyz musylman azshylyq toptaryna qarsy jekkórinishti shabýyl jasaǵany úshin, bul zań bizdiń taýarlarymyz ben tehnologıalarymyzdyń Qytaıda paıdalanylmaýyn qamtamasyz etedi" dep málimdegen.