Aqtóbe oblysy ákiminiń orynbasary R.Hambarov oblys aýmaǵynda júıke aýrýymen aýyratyn tulǵalar tárbıelenip jatyrǵan áleýmettik qyzmet kórsetý ortalyǵyn aralap, ortalyq turǵyndarymen kezdesip, jaǵdaılaryn tyńdap, karantındik shekteýler ýaqytynda jasalyp jatyrǵan sharalarmen tanysty. Ortalyq turǵyndarynyń densaýlyǵynyń eń negizgi másele ekendigin atap ótti, indettiń aldyn alý maqsatyndaǵy jumysty úılestirý, qajetti jaǵdaı jasaý, dári dármekpen qamtamasyz etý únemi jergilikti atqarýshy organnyń baqylaýynda bolatyndyǵyn jetkizdi. 

Bıyl ortalyqtyń jylý júıesin jóndeý jumystaryn júrgizý úshin jobalyq smetalyq qujattardyń jasalyp jatyrǵandyǵyn, ákimshilik ǵımaraty salý arqyly qosymsha jatyn oryndarynyń ashylatyndyǵyn, materıaldyq tehnıkalyq bazasynyń kezeń kezeńmen jańartylatyndyǵyn jetkizdi. 
Oblys ákiminiń orynbasary Rýslan Hambarov ortalyq turǵyndaryna qolaıly jaǵdaıyn týǵyzý áleýmettik qorǵaýdyń mańyzdy tetigi bolýy kerek dedi. 
Sonymen qatar ortalyq janynan qurylǵan qoǵamdyq keńes múshesi , óńirge tanymal tulǵa M.Qoılybaev qoǵam tarapynan ortalyq qyzmetiniń baqylaýda bolatyndyǵyn, ortaq máselelerdiń birigip sheshý qajettigine nazar aýdardy.
Áleýmettik qyzmet kórsetý ortalyǵy turǵyndarynyń densaýlyqtary qalypty deńgeıde, turǵyndar men qyzmet kórsetýshiler arnaıy tekseristen ótkizildi, jaǵdaı turaqty.