"Forbes Billionaire tiziminde Ilon Masktyń aqqan juldyz jyldamdyǵyndaı joǵarylaýy osy aıda da jalǵasyn tapty" dep habarlaıdy Forbes.com. Dúısenbi kúni tústen keıin Masktyń baılyǵy 74 mıllıard dollardan asyp, Jer sharyndaǵy besinshi baı adam atanǵan.

SpaceX jáne Tesla kompanıalarynyń bas dırektory Ilon Masktyń aksıalarynyń baǵalary naýryz aıynan beri kóterilip keledi.

Qazirgi ýaqytta onyń ıeligindegi Tesla álemdegi eń qymbat avtomobıl kompanıasy ǵana emes, onyń naryqtyq quny Ford, Ferrari, General Motors jáne BMW kompanılarynyń barlyǵynyń jıyntyǵynan áldeqaıda joǵary. Elektomobılder jáne balama energıa kózderin shyǵaratyn kompannıa 304,5 mıllıard dollarǵa baǵalanǵan.

Osy jyldyń naýryzynda Mask Forbes-tiń mıllıarderler tiziminde 31-shi orynda bolatyn. Ol kezde onyń baılyǵyn 25 mıllıard dollarǵa baǵalanǵan.

"Masktyń baılyǵy sol ýaqyttan beri úsh esege artyp, dúısenbi kúni $ 74,2 mlrd-qa sharyqtady" deıdi Forbes.

Buǵan deıin Ilon Masktyń álem boıynsha jetinshi baı adam bolǵany habarlanǵan. Sonymen birge teh-mıllıarder Qytaı ekonomıkasy Amerıkadan eki-úsh ese asyp ketetinin málimdegen.