Túrkistan oblysy boıynsha aýrýhanada jatqan naýqastar sany azaıyp keledi.
Túrkistan qalalyq ortalyq aýrýhanasynda em qabyldap jatqan Saragúl Tileýbergenovanyń aıtýynsha, barlyq dári-dármek mólsheri jetkilikti. 67 jastaǵy Saragúl hanym qalalyq aýrýhanaǵa aýyr halde 12 kún buryn jetkizilgen. Júrek talmasy men qan aınalymynyń buzylýynan jedel-járdemge júgingen. Artynan qatty jótel qysyp, tynys alýy nasharlaǵan. Aýrýhanada jatqan ýaqyt ishinde aýrýynan tolyǵymen aıyqty. Ózi de 40 jyl medısına salasynda qyzmet atqarǵan Saragúl Tileýbergenova dárigerlerge úlken alǵysyn bildirdi.
Omarova Saıara da 10 kún buryn baspasy asqynyp aýrýhanaǵa túsken. 35 jyl muǵalim bolyp jumys istegen 61 jastaǵy naýqas buǵan deıin aýrýhanaǵa jatyp kórmegen. Aq halatty abzal jandardyń arqasynda qazir jaǵdaıy qalypqa túsip, búgin aýrýhanadan shyqqaly jatyr.
– Dárigerler – qazirgi zamannyń naǵyz qaharmandary. Olardyń eńbegi ólsheýsiz ári baǵaly. Búginde adam janynyń arashasyna aınalǵan dárigerler óz biliktilikterin kórsetýde, – deıdi Omarova Saıara.
Qazirgi tańda Túrkistan oblysynda koronavırýs ınfeksıasyn juqtyrǵan naýqastar sany – 2513. Dertten jazylǵan naýqastar sany – 1949.
Pikir qaldyrý