"Qashqyn zertteýshi San-Fransıskodaǵy konsýldyqta jasyrynyp júr" dep jazdy BBC. Bul týraly Qamshy tilshisi habarlaıdy.

AQSH "vızalyq alaıaqtyq jasady jáne áskerı baılanystardy jasyrdy" dep kúdiktengen qytaı ǵalymy San-Fransıskodaǵy Qytaı konsýldyǵyna qashyp tyǵylǵanyn málimdedi.

AQSH prokýrorlarynyń sotqa bergen málimetteri boıynsha, Amerıkadaǵy basqa qytaı zertteýshileri vızalyq alaıaqtyǵy úshin qamaýǵa alyndy.

Sársenbide Tramp ákimshiligi Qytaıdyń Hústondaǵy konsýldyǵyn 72 saǵat ishinde jabýǵa buıryq bergen. "Olar zıatkerlik menshikti urlaýǵa qatysty" dep jarıalanǵan.

Qytaı úkimeti bul qadamdy "saıası arandatýshylyq" dep atady.

Biraq prezıdent Donald Tramp Qytaı konsýldyqtarynyń kóbin jabýǵa buıryq beretini "árqashan múmkin" ekenin málimdedi.

Biraz ýaqyttan beri AQSH pen Qytaı arasynda shıelenis kúsheıe tústi. Prezıdent Donald Tramptyń ákimshiligi Beıjińdi saýda jáne koronavırýstyq pandemıaǵa qatysty birneshe ret aıyptaǵan, sondaı-aq Qytaı Gonkongqa qaýipsizdik týraly daýly jańa zań qabyldady.

Al, Tramp Qytaıdyń Shyńjań provınsıasyndaǵy etnıkalyq qazaqtar men uıǵyrlardyń qysymǵa ushyraýyna qatysy bar 50-ge jýyq qytaılyq kompanıaǵa sanksıa saldy.