Shyǵys Qazaqstan oblysynda 6-18 jas aralyǵyndaǵy ataýly áleýmettik kómek alatyn 14369 balaǵa, sondaı-aq 47245 múmkindigi shekteýli jan men 16 jasqa deıingi múgedektigi bar 5017 balaǵa jáne múgedek bala tárbıelep otyrǵan 5220 adamǵa, sonymen qatar jumyspen qamtý ortalyqtarynda tirkelgen 7195 azamatqa azyq-túlik sebeti taratylady.

Bul týraly SHQO aqparattyq ortalyǵynda ótken brıfıń barysynda jumyspen qamtý jáne áleýmettik baǵdarlamalardy úılestirý basqarmasy basshysynyń orynbasary Dosqan Qaıyrǵazınov málim etti.

Oblys boıynsha 79 myń adamǵa 5567 teńgeden beriledi. Sebebi eń qajetti azyq-túlikti satyp alý úshin osynsha qarajat kólemi jetkilikti. Osy maqsatta 440 mıllıon teńge qarastyrylyp otyr. 

– Qazirgi ýaqytta 7196 adamǵa azyq-túlik sebetiniń aqshasy berildi. Oǵan 40,1 mıllıon teńge jumsaldy, –  dedi Dosqan Qaıyrǵazınov.