Búgin Qostanaı oblysynda eki jol apaty bolyp, saldarynan úsh adam kóz jumdy. Bul týraly oblystyq polısıa departamentiniń baspasóz qyzmeti habarlady.

Olardyń málimetinshe, búgin saǵat 16.00-de Qostanaı-Rýdnyı avtojolynyń 10-shaqyrymynda patrúldik polısıa  avtokóligi "VAZ 2115" kóligine soqtyǵysyp, 4 jasar bala oqıǵa ornynda qaza bolǵan.

Departament taratqan habarlamaǵa qaraǵanda patrúl kóligi sol joldyń boıynda bolǵan basqa apatty tekserýge bara jatqan. 

– Avtopatrýl osy joldyń 17-shaqyrymynda bolǵan jol apatyna bara jatqan. Birer saǵat buryn taǵy bir "VAZ 2115" kóliginiń 26 jastaǵy júrgizýshisi rólge ıe bola almaı, joldan shyǵyp ketken bolatyn. Saldarynan eki adam kóz jumdy. Bul derek boıynsha Qylmystyq kodekstiń 345-baby (Kólik quraldaryn paıdalaný qaǵıdalaryn buzý) boıynsha is qozǵaldy, – dedi polısıa departamenti baspasóz qyzmetiniń ókili Kenje Qonysbaı.

Departament baspasóz qyzmetiniń málimetinshe, patrúl kóligi jol ústinde dabyl belgisin qosyp júrgen. Qazir osy oqıǵa boıynsha qyzmettik tekserý bastaldy. 

 

 

 

Posmotret etý pýblıkasıý v Instagram

 

 

Vıdeo s mesta DTP na Rýdnenskoı trasse. Prıslalı ochevıdsy na What's App KN - - - - Delıtes s namı problemamı ı predlojenıamı Pıshıte v Direct ⬆ ı na What's App ? 8-777-442-11-22 #kostanaıskıenovostı #kstnews #kostanaınovostı #kostanaı

Pýblıkasıa ot Kostanaıskıe novostı (@kstnews.kz) 25 Iýl 2020 v 5:08 PDT