Nur-Sultanda №2 qalalyq kópbeıindi aýrýhananyń bas dárigeri Ivan Ivanovıch Lı qaıtys boldy. Bul týraly ákimdiktiń baspasóz qyzmeti habarlady.

Ivan Ivanovıchtiń jasy 60-ta. Ol koronavırýs ınfeksıasynan kóz jumdy.

Ivan Lı isiniń naǵyz mamany bolatyn, ol qutqarǵan ómir sany bireý emes. Alǵashqy kúnnen bastap ol koronavırýspen kúreste aldyńǵy shepte turdy. Onyń otbasy men jaqyndaryna kóńil aıtamyz" delingen ákimdik taratqan habarlamada.

Buǵan deıin qaýipti indetten Qazaqstan qorǵanys mınıstriniń burynǵy orynbasary – Ámirbek Tógisov, Qazaqstannyń prezıdenttigine úmitker bolǵan – Jaqsybaı Bazylbaev, Aqtóbe qalasynda ınfeksıalyq aýrýhananyń bas dárigeri – Qalıhan Qozbaǵarov, Almaty oblysy ákiminiń orynbasary – Serikjan Beskempirov, sonymen qatar Almaty oblysynyń Bas memlekettik sanıtar dárigeri – Qaırat Baımuhambet qaıtys bolǵan.