Qaýip tobyndaǵy ambýlatorıalyq naýqastarǵa baqylaýdy kúsheıtý úshin Naýqastardy monıtorıńteý ortalyǵy jumys isteýde. Bul týraly búgin «Almaty» telearnasynda ótken Akimat Live baǵdarlamasynda qala ákimi Baqytjan Saǵyntaev málimdedi.

Monıtorıń ortalyǵyna túrli saladaǵy 58 dáriger, ıaǵnı terapevt, pedıatrlar, pýlmonologtar, alergologtar, kardıologtar sekildi mamandar jumyldyrylǵan. 1 shildeden bastap Monıtorıń ortalyǵy ambýlatorlyq emdeýdegi qaýip tobyna engen naýqastarǵa 505 keńes berip úlgergen.

«Alǵashqy medısınalyq-sanıtarlyq kómek uıymdary deńgeıinde mobıldi brıgadalardyń jumysy jalǵasýda. Algorıtmge sáıkes mobıldi brıgada eki jaǵdaıda naýqastyń úıine bara alady: PTR-testke materıal alý úshin jáne emhana dárigeriniń taǵaıyndaýy boıynsha úıde emdeý úshin barady», — dedi qala ákimi.

Aıta keteıik, mobıldik toptar qalalyq emhanalardyń jumysyn kúsheıtý úshin quryldy.