Almatynyń barlyq klınıkalarynda otteginiń ortalyqtan berilýin jasaý kerek. Bul týraly «Almaty» telearnasynyń Akimat Live baǵdarlamasyna qatysqan qala ákimi Baqytjan Saǵyntaev habarlady.

Sapaly emge áser etetin faktorlardyń biri — ol naýqastardy medısınalyq ottegimen qamtamasyz etý. Osyǵan baılanysty, bul máseleni júıeli túrde sheshý úshin medısınalyq uıymdarǵa ottegi stansıalaryn ornatý boıynsha qalalyq baǵdarlama qabyldandy. Osynyń arqasynda birinshi eshelondaǵy jatyn oryndardyń 100%-y ottegimen qamtylady.

«Eger klınıkalarda qajetti kólemde stansıa jumysyn qamtamasyz ete alatyn óz ottegi stansıasy bolsa, onda ol júıeni retteý kerek. Ol úshin qarjy da bólindi. 10 qyrkúıekke deıin aýyr jaǵdaıdaǵy naýqastarmen jumys isteıtin birinshi eshelondaǵy 8 klınıka ortalyqtandyrylǵan ottegi berý júıesiniń stasıonarlarymen qamtamasyz etiledi. Ekinshi kezeńde biz ekinshi eshelondaǵy klınıkalardy ottegimen qamtamasyz etýge kóshemiz, sol arqyly bul máseleni sheshemiz», — dep atap ótti ákim.