Búgin, 28 shildede qazaqstandyq ǵalym, ekolog Musaǵalı Dýambekov qaıtys boldy. Bul týraly eks-depýtat Aıgúl Soloveva áleýmettik jelide habarlady.

– Búgin tańǵy saǵat 08:00-de meniń dosym, belsendi qoǵam qaıratkeri jáne naǵyz azamat, aıaýly áke Musaǵalı Dýambekov qaıtys boldy! Imandy bolsyn!, –dep jazdy ol Facebook paraqshasyna.

Musaǵalı Dýambekov 1961 jyly 5 mamyrda Jambyl oblysynda dúnıege kelgen. Qazaq polıtehnıka ınstıtýtynyń Qarataý fılıalyn, qazirgi Máskeý memlekettik qurylys ýnıversıtetiniń aspırantýrasyn bitirgen.

Ol – tehnıka ǵylymynyń doktory, profesor, 100-den astam ǵylymı jarıalanymnyń jáne ónertabystyń avtory. 

2012 jyldan bastap "Halyqtyq jemqorlyqqa qarsy komıtet" qoǵamdyq qorynyń prezıdenti bolǵan.