Nur-Sultan qalasy boıynsha "Rýhanı jańǵyrý" jobalyq keńsesi bastaǵan aksıaǵa Nur Otan partıasy, L.N. Gýmılev atyndaǵy Eýrazıa ulttyq ýnıversıtetiniń oqytýshylary men blogerler qoldaý kórsetýde, dep habarlady ákimdiktiń resmı saıty.

"Rýhanı jańǵyrý" jobalyq keńsesi karantın ýaqytynda "Qolymdaǵy kitap" aksıasyn bastady. Áleýmettik jeli qoldanýshylary arasynda kitap oqý mádenıeti nasıhattalatyn bolady. Qatysýshylar karantın ýaqytynda ózderi oqyp jatqan kitapty tanystyrady. Sondaı-aq ózderiniń súıikti avtorlaryn, shyǵarmalaryn bólisedi.

Aksıa barysynda kitapqumar bloger jáne qoǵam qaıratkerlerimen tikeleı efırler, onlaın suhbattar uıymdastyrylady.

Onlaın is-sharanyń tusaýkeseri bloger Aınur Bulaqbaımen ótkizildi. Tikeleı efır barysynda ol kitap oqýdy qalaı ádetke aınaldyrý, jyldam oqý tehnıkasynyń qupıalaryn bólisti. Efır barysynda kórermender óz suraqtaryna jaýap aldy.