1 tamyzdan bastap Dýbaıǵa barǵan qazaqstandyqtar koronavırýsqa eki ret test tapsyrady. Bul týraly Whatson saıty habarlady.

29 eldiń tizimine Qazaqstan, Aýǵanstan, Armenıa, Brazılıa, Bangladesh, Djıbýtı, Egıpet, Erıtreıa, Úndistan, Indonezıa, Iran, Irak, Qyrǵyzstan, Lıvan, Chernogorıa, Nıgerıa, Pákistan, Fılıppın, Serbıa, Somalı, Ońtústik Afrıka, Shrı-Lanka, Sýdan, Tanzanıa, Reseı, Tájikstan, Túrikmenstan, Ózbekstan jáne AQSH kiredi.

BAÁ bıliginiń habarlaýynsha, bul koronavırýsty juqtyrý jaǵdaılary kóp elder.

Buryn atalǵan elderden kelgen barlyq jolaýshylarda koronavırýsqa testi teris nátıje kórsetken sertıfıkaty bolýy kerek bolatyn. 1 tamyzdan bastap olar Dýbaı áýejaıynda test tapsyrý kerek.

"Testileýden ótkennen keıin jolaýshylar nátıje shyqqanǵa deıin oqshaýlanýy tıis. Eger nátıje teris bolsa, ári qaraı oqshaýlanýdyń qajeti joq" delingen habarlamada.

Test nátıjelerin alý úshin COVID-19 - DXB Smart qosymshasyn júkteý qajet.