Búgin, saǵat tańǵy 05:19-da Aqmola oblysy Atbasar aýdanynyń Hráshevka aýylynda túrǵyn úıden órt shyqty. Bul týraly Qazaqstannyń ishki ister mınıstrliginiń tótenshe jaǵdaılar komıteti habarlady.

Komıtettiń habarlaýynsha, 7 adamnan turatyn otbasynyń 1979, 1981 jyly týǵan ata-anasy jáne 5 balasy bolǵan. Olar 2004, 2005, 2007, 2008 jyldary týǵan uldar men 2012 týǵan qyz bala.

Atbasar qalasynyń №4 mamandandyrylǵan órt sóndirý bóliminiń qyzmetkerleri kelgenge deıin ata-anasy men 2004, 2012 jyly týǵan eki bala synǵan terezeden ózdiginen shyqqan. Órt kezinde úıdiń tóbesi qulaǵan.

Órt saǵat 08:25-te sóndirildi. Úıindilerdi tazalaý jumystary júrgizilip jatyr. Órttiń ornynan úsh balanyń máıiti tabyldy. 

Tótenshe jaǵdaı departamentinen órtti sóndirýge 12 qyzmetker men 2 tehnıka, erikti túrde órtti sóndirýge tartylǵan uıymdardan 3 adam men 3 tehnıka jumyldyryldy. Sondaı-aq  aýdandyq polısıa bóliminiń kezekshi jedel-tergeý toby jumys istep jatyr.

Órttiń sebebin anyqtaý úshin Kókshetaý qalasynan mamandar jiberildi.