Shyǵys Qazaqstan oblysyndaǵy 2020 jylǵy 1 shildedegi  aqparat boıynsha, óńirde 56 688 múmkindigi shekteýli azamat tirkelgen. Onyń ishinde 51093 eresekter (1 toptaǵy múgedekter sany - 5406, ekinshi toptaǵy múgedekter sany – 23699, úshinshi toptaǵy múgedekter sany – 21988). Sonymen qatar 5595 bala bar. Onyń ishinde 16 jasqa tolmaǵan 5017 múgedek bala, 16-18 jas aralyǵyndaǵy múmkindigi shekteýli jandar sany 1578 (birinshi top – 83, ekinshi top – 102, úshinshi top – 323 bala tirkelgen) quraıdy. Bul týraly SHQO aqparattyq ortalyǵynda ótken brıfıń  barysynda eńbek, áleýmettik qorǵaý jáne kóshi-qon komıtetiniń SHQO boıynsha departamentiniń medısınalyq-áleýmettik saraptama salasynyń orynbasary m.a Ǵalıa Sabyrbaeva málim etti.

 

- Shilde aıynda Eńbek jáne halyqty áleýmettik qorǵaý mınıstriniń 268 buıryǵy qabyldandy. Soǵan sáıkes múgedektik merzimin 3 aıǵa uzartý avtomatty túrde júrgizilýde. Búgingi kúni atalǵan mehanızm boıynsh SHQO-da 2324 azamattyń múgedektigi uzartyldy. Bul shara memlekettik mekemelerde adamdardyń jappaı jınalmaýy men koronavırýstyń keńinen taralmaýyna jol bermeý maqsatynda uıymdastyrylýda, - dedi Ǵalıa Sabyrbaeva.

 

Elimizde múgedekterdi kýálandyrý karantın sharalary aıaqtalǵanǵa deıin elektrondy úkimet portalynda júrgiziledi.  Múgedektikti jáne eńbek etý qabiletinen aıyrylý dárejesin, sondaı-aq jeke ońaltý is-sharalarynyń baǵdarlamasyn avtomatty túrde uzartý, qaıta kýálandyrý merzimi shekteý sharalaryna sáıkes kelgen jaǵdaıda, ıaǵnı 12 mamyr men 31 shilde aralyǵyndaǵy ýaqytqa sáıkes kelgen jaǵdaıda múgedektik top 3 aı sozylady. Eger múgedektik alǵash ret belgilengen bolsa, ol azamat elektrondy úkimet portalyna kirip ótinish bere alady. Sonymen qatar 16 jáne 18 jasqa tolǵan múgedek balalarǵa qatysty syrttaı kýálandyrý qarastyrylǵan.  Brıfıńke qatysqan Ǵalıa Sabyrbaeva osylaı dedi.