Aqtaýda kýágerler pedofıl bolýy múmkin delingen kúdiktini ustady. Bul týraly Inaktau.kz habarlady.

Mańǵystaý oblystyq polısıa departamenti baspasóz qyzmetiniń habarlaýynsha, oqıǵa 29 shilde kúni kúndiz bolǵan. Kúdiktige qatysty Qazaqstannyń qylmystyq kodeksiniń 1-bóligi 124-baby "Jas balalardy azǵyndyq jolǵa túsirý" boıynsha qylmystyq is qozǵalǵan.

– 29 shildede shamamen saǵat 13:00-de Aqtaý qalasynyń polısıa basqarmasyna shaǵym kelip tústi. Onda belgisiz er adamnyń balalar alańqaıynda oınap júrgen balany alyp ketkeni aıtylǵan. Er adam balany úıdiń kireberisine kirgizip, zorlyq-zombylyq jasamaq bolǵan. Oqıǵa ornyna polısıa narády shyǵyp, kúdikti ustaldy, – dep habarlady polısıa qyzmetkerleri.

Kýágerlerdiń aıtýynsha, er adamnyń is-áreketin kórip, kórshileri ony qorqytqan. Kúdikti qashýǵa tyrysqanymen, qyzdyń kórshisi ony qýyp jetip, polısıa kelgenshe ustap turǵan.