Koronavırýsqa baılanysty álem elderiniń statısıkasyn jarıalap otyratyn Worldometers.info saıtynyń 30 shildedegi dereginshe, dúnıejúzinde 17,1 mıllıonnan astam adamǵa Covid-19 ınfeksıasy juqqan. Osy ýaqytqa deıin olardyń 670 myńnan astamy kóz jumdy. 

Juqtyrǵandardyń da, ólgenderdiń de tórtten biri AQSH azamattary. Elde 4,5 mıllıonnan astam adamǵa vırýs juǵyp, olardyń 154 myńǵa jýyǵy qaıtys bolǵan. 

Juqtyrǵandar sany jóninen ekinshi orynda turǵan Brazılıada 2,5 mıllıonnan astam adamnan ınfeksıa tabyldy. Al Úndistanda 1,5 mıllıon adam vırýs juqtyrǵan. Qalǵan elderde vırýs juqtyrǵandar sany mıllıonǵa jetken joq. 

408 myńnan astam halqynan Covid-19 tabylǵan Meksıkada adam ólimi kóbeıdi. Bul elde vırýs juqtyrǵandardyń 10 paıyzdan astamy (45 361 adam) qaıtys bolǵan. Meksıka ólim kórsetkishi boıynsha álemde tórtinshi orynda tur. Sońǵy táýlikte elde 485 adam koronavırýstan kóz jumǵan. 

Qazaqstan vırýs juqtyrǵandar sany jóninen 26-orynda. Elde sońǵy táýlikte 1472 adamnan koronavırýs tabyldy. Juqtyrǵandardyń jalpy sany – 87 664.