Qazaqstanda karantın taǵy 2 aptaǵa sozylýyna baılanysty tabysynan aıyrylǵan azamattarǵa 42500 teńge áleýmettik tólemniń jartysy 21250 teńge tólenedi. Bul týraly premer-mınıstrdiń orynbasary Eraly Toǵjanov málim etti.
– Búgin karantınniń uzartylýyna baılanysty azamattarǵa tólem tóleý týraly prezıdent tapsyrma berdi. Alaıda bul joly karantınde tólenetin somanyń jartysy tólenedi, – dedi Toǵjanov ortalyq komýnıkasıalar qyzmetin ótken brıfıńte.
Buǵan deıin karantın engizilýine baılanysty tabysynan aıyrylǵan azamattarǵa 42500 teńge kóleminde áleýmettik tólem taǵaıyndalyp kelgen.
Keshe prezıdent Qasym-Jomart Toqaev memlekettik komısıaǵa elde karantın rejımin taǵy eki aptaǵa uzartýdy tapsyrǵan.
