Májilis Tóraǵasy Nurlan Nyǵmatýlın qazaqstandyqtardy Qurban aıt merekesimen quttyqtady.
– Barsha qazaqstandyqtardy musylman qaýymynyń eń bir qasıetti de ulyq merekesi – Qurban aıtpen shyn júrekten quttyqtaımyn!
Bul meıram birligimizdi nyǵaıtyp, halqymyzdyń tatýlyǵyn arttyryp, eldigimizdi kúsheıtedi.
Osy qasıetti merekede jasaǵan qaıyrymdy isterińiz ben nıetterińiz qabyl bolsyn!
Qurban aıttyń basty qundylyqtary – ol adamdardyń bir-birine janashyrlyqpen qaraýy, qamqorlyq tanytyp jáne jaqsylyq jasaýy. Osyndaı izgi de meıirimdi amaldar búgingideı kúrdeli kezeńde árbir adamǵa óte qajet, – dedi, Nurlan Nyǵmatýlın.
Sonymen qatar, Májilis Tóraǵasy barlyq qazaqstandyqtarǵa zor densaýlyq, amandyq jáne árbir otbasyna baq-bereke tiledi.
Májilistiń baspasóz qyzmeti
