Densaýlyq saqtaý mınıstrligi COVID-19 boıynsha jańartylǵan statısıkanyń alǵashqy nátıjelerin habarlady.

"2020 jyldyń 1 tamyzyndaǵy jaǵdaı boıynsha, COVID-19 zerthanalyq rastalǵan jaǵdaılardyń sany – 1226, sońǵy bir táýlikte 36 adam qaıtys boldy. Anyqtalmaǵan etıologıasy bar, biraq koronavırýstyq ınfeksıanyń klınıkalyq jáne epıdemıologıalyq belgileri tabylǵan pnevmonıamen aýyrǵandar sany – 5181. Ótken táýlikte pnevmonıa dıagnozymen 30 ólim jaǵdaıy tirkeldi" delingen mınıstrliktiń resmı ókili Baǵdat Qojahmetov facebook-te jarıalanǵan resmı aqparattyq habarlamada.

Qazaqstanda 18 shildeden bastap statısıkalyq derekterdi esepke alý men qalyptastyrýdyń jańa tásilderi aıqyndalǵan. Mınıstrliktegiler buny COVID-19 jáne pnevmonıa jaǵdaılary boıynsha derekterdiń barynsha ashyqtyǵyn qamtamasyz etý maqsatynda qolǵa alynǵanyn málimdedi.

Buǵan deıin dúnıejúzilik densaýlyq saqtaý uıymy, shetel jáne Qazaqstan ǵalymdary elde órshigen pnevmonıanyń is júzinde koronavırýs ekenin málim etken.

Artynsha prezıdent statısıkany retke keltirýdi tapsyryp, mınıstrlik joǵarydaǵydaı sheshimge kelgen.

Resmı derek boıynsha elde koronavırýs anyqtalǵan alǵashqy kúnnen búginge deıin 91 593 adam vırýs juqtyrǵan. Onyń 60825-i jazylyp shyqsa, 793 adam qaıtys bolǵan.