Eks-densaýlyq saqtaý vıse-mınıstri Oljas Ábishev búdjet aqshasyn jymqyrdy degen kúdikpen qamaýǵa alyndy. Bul týraly qarjy monıtorıńi komıteti habarlady.

"QR qarjy mıntıstrligi qarjy monıtorıńi komıtetiniń ekonomıkalyq tergeý qyzmetkerleri densaýlyq saqtaý vıse-mınıstri Oljas Ábishevti ustaǵanyn rastaıdy. Ol búdjet qarjysyn jymqyrdy degen kúdikke alynǵan. Qylmystyq-prosestik kodekstiń 201-babyna sáıkes, sotqa deıingi tergep-tekserý derekteri jarıa etilmeıdi" delingen komıtet taratqan aqparattyq habarlamada.

Buǵan deıin beısenbide Oljas Ábishev densaýlyq saqtaý vıse-mınıstri qyzmetinen bosatylǵan.

Uzamaı YEDILOV ONLINE telegram kanalynda "Oljas Ábishev ustaldy" delingen vıdeo taraǵan.

Sheneýnik mınıstrlikte sıfrlandyrý jáne aqparattyq qaýipsizdik máselelerine jaýapty bolǵan.