"Gýn  Stroı Servıs" qurylys kompanıasynyń dırektory Sábıt Qalıoldanov arnaıy saparymen Almaty oblysyndaǵy Kegen, Raıymbek aýdandaryna baryp, ortalyq aýrýhanalardyń árqaısysyna 4 mıllıon teńgeniń asa qajetti medısınalyq qural-jabdyqtaryn, dári-dármek ákelip tabystady.

Sondaı-aq, aýrýhanalardyń jansaqtaý bólimderine arnalǵan kóp múmkindigi bar eki tósek syılady. Sábıt Qalıoldanov bastaǵan qurylys kompanıasynyń ujymy mundaı qoldaý, kómekterin Uıǵyr aýdanyna da kórsetti. Almaty qalasyndaǵy aýrýhanalarǵa 8 mıllıon teńgeniń qajetti  medısınalyq qural-jabdyqtaryn alyp berdi.

Jomart janǵa Kegen aýdany ákiminiń orynbasary Keńes Qabylbekov pen Kegen aýdandyq ortalyq aýrýhanasy komýnaldyq memlekettik kásipornynyń dırektory Almas Tileýlıev óńir turǵyndarynyń atynan alǵys aıtyp, kompanıa ujymynyń eńbekterine tabys, denderine saýlyq tiledi.

Aıdar QALIEV