Densaýlyq saqtaý mınıstri Alekseı Soı orynbasarynyń ustalýyna qatysty pikir bildirdi. Bul týraly ol ortalyq komýnıkasıalar qyzmetindegi onlaın-brıfıngte aıtty.

– Ázirshe bizde osy iske qatysty naqty aqparat joq. Sebebi tergeý sharalary júrip jatyr. Quziretti organdar ol aqparatty ózderi jarıalaıdy dep oılaımyn, – dedi Soı.

Onyń aıtýynsha, orynbasary ustalǵanǵa deıin óz erkimen jumystan ketýge ótinish bergen.

– Ábishev Oljas Amangeldiuly jumystan óz erkimen ketý týraly aryzdy ótken aptada tapsyrǵan. Qazir biz ol máseleni qarastyryp jatyrmyz. Sondyqtan aryz bar, eger sheshim qabyldansa, onda ol qyzmetinen bosatylatyn bolady, – dedi mınıstr.

Eks-densaýlyq saqtaý vıse-mınıstri Oljas Ábishev búdjet aqshasyn jymqyrdy degen kúdikpen qamaýǵa alynǵan bolatyn.

Sheneýnik mınıstrlikte sıfrlandyrý jáne aqparattyq qaýipsizdik máselelerine jaýapty bolǵan.