Shyǵys Qazaqstan oblysynda bıyl úshinshi jyl qatarynan "Shýaqty shańyraq" saıysy ótti. Oǵan jas otbasylar qatysty. Saıysty oblystyq ishki saıasat basqarmasynyń jastar resýrstyq ortalyǵy uıymdastyrdy.
Aǵymdaǵy jylǵy saıystyń ereksheligi sol - onlaın formatta ótýinde. Oǵan elimizde jarıalanǵan karantın sebep bolyp otyr.
Baıqaýǵa óńirdegi barlyq qala, aýdan men aýyldardaǵy jas otbasylar qatysty.
- Baıqaý dástúrli otbasylyq qundylyqtar men salaýatty ómir saltyn nasıhattaý, sondaı-aq jas otbasylardyń bastamalaryna qoldaý kórsetý maqsatynda uıymdastyryldy.
"Otbasynyń ónegesi - Otan ónegesi" – degen qazaq. Bul baıqaýdyń jastarǵa berer tálimi mol.
Baıqaý birneshe kezeńnen turdy. Saıys barysynda  ár otbasy ózderin tanystyryp, ónerlerin ortaǵa saldy. Abaı Qunanbaıulynyń shyǵarmashylyǵynan syr shertetin óleńderdi jatqa oqydy.
Saıys jeńimpazdary qazylar alqasy men áleýmettik jelidegi oqyrmandardyń laıktary arqyly tańdaldy.
Baıqaýdyń qortyndysy boıynsha birinshi oryndy Semeı qalasynyń turǵyndary Baýyrjanovtar otbasy jeńip aldy. Ekinshi oryndy Aıagóz aýdanyndaǵy Saǵatbekovter otbasy ıelendi. Úshinshi oryn Abaı aýdanynda turatyn  Úrkimbaevtar otbasyna buıyrdy.
Sondaı-aq Abaı Qunanbaıulynyń shyǵarmalaryn úsh tilde oqyǵan  Saǵatbekovter otbasyna "Kórermender kózaıymy" nomınasıasy berildi.
Aıta keteıik, aldaǵy ýaqytta mundaı saıystar talaı márte uıymdastyrylatyn bolady.