Lıvan astanasy Beırýttaǵy eki jarylystan kemi 78 adam qaza taýyp, 4000 myńǵa jýyq adam túrli dene jaraqatyn alǵan. Qalanyń birneshe kvartaly túgeldeı qıraǵan. Turǵyndar qırandylardyń astynda qalyp qoıǵandyqtan, apat qurbandarynyń sany artýy múmkin, dep habarlady VVS.
VVS tilshileri jarylystan qala portyna úlken zalal kelgenin, bul el ımporty úshin úlken soqqy bolýy múmkin ekenin jazdy.
Jarylystyń joıqyn bolǵany sonshalyq dúmpý Beırýttan 240 shaqyrym jerdegi Kıpr aralyna estilgen.
Jergilikti bılik dereginshe, Beırýttaǵy aýrýhanalar adamǵa toly.
Lıvan prezıdenti Mıshel Aýn elde úsh kúnge qaraly kún jarıalap, jarylys saldaryn joıý úshin 66 mln dollar bólinetinin málimdedi.
Resmı aqparatqa sáıkes, jarylysqa portta uzaq ýaqyt boıy qaýipsizdik talaptary oryndalmaı saqtalyp kelgen úlken kólemdegi amonı nıtratynyń jarylýy sebep bolǵan. Prezıdent sózinshe, 2750 tonna amonı nıtraty portta 6 jyldan beri saqtaýly turǵan. Eshqandaı qaýipsizdik sharalary qadaǵalanbaǵan.
Amonı nıtratynyń selıtra ammıagy degen de ataýy bar. Azot tyńaıtqyshy jáne jarylǵysh zat retinde jıi qoldanylady.
Jarylǵan amıak selıtrasy atmosferaǵa taraǵanda ýly gaz bólinedi.
Lıvandyq LBC International telearnasynyń habarlaýynsha, portta dánekerleý jumystary júrip jatqanda ushqynnan pırotehnıka, artynan Amonı nıtraty órtengen.
Jarylys saldarynan Qazaqstan elshiligi ǵımaratyna zalal kelgen. Adam shyǵyny joq. Qazaqstandyq bir konsýl jeńil jaraqat alǵan.
Explosion in #Beirut #Lebanon - view from Annahar building. Praying for everyone’s safety ??? pic.twitter.com/Zf6fXaahUq
— Fady Roumieh (@FadyRoumieh) August 4, 2020
#بيروت
— المنبع الاخباري (@almanbae_news) August 4, 2020
القوة الانشطارية للانفجار الذي هز #بيروت مخيفة. سبب اضرار واصابات على مسافة قطرها ما لايقل عن ١٠ كيلومترات. #لبنان pic.twitter.com/HHQklsvj6s
Pikir qaldyrý